[وحدهم المديرون لديهم صلاحيات معاينة هذه الصورة]




"على اسم مصر التاريخ يقدر يقول ما شاء
أنا مصر عندي أحبّ وأجمل الأشياء
باحبّها وهيَّ مالكة الأرض شرق وغرب
باحبَّها وهيَّ مرميَّة جريحة حـرب.
باحبَّها بعنف وبرقـّة وعلى استحياء
واكرهها والعن أبوها بعشق زي الداء.
واسيبها واطفش في درب وتبقى هيَّ في درب
وتلتفت تلاقيني جنبها في الكرب-
والنبض ينفض عروقي بألف نغمة وضرب.
مصر النسيم في الليالي وبياعين الفل
ومراية بهتانة ع القهوة أزورها واطل.
ألقى النديم طلّ من مطرح م انا طلَّيت-
والقاها برواز معلَّق عندنا في البيت…"